AIS Chbarampov Campus

លោក ហេង សុវណ្ណារិទ្ធ

ប្រធានផ្នែករដ្ឋបាលសាលារៀន អន្តរទ្វីប អាមេរិកាំង សាខាច្បារអំពៅ

លោក ហេង សុវណ្ណារិទ្ធ មានស្រុកកំណើតនៅ ខេត្តតាកែវ។ លោកគឺជាកូនពៅនៅក្នុងគ្រួសារមន្ត្រីរាជការមួយដែលមានកូនពីរនាក់។ លោកកើតនៅថ្ងៃទី ១៣ ខែកុម្ភៈ ឆ្នាំ១៩៩០។ ក្រោយពីបានបញ្ចប់ថ្នាក់បរិញ្ញាបត្រផ្នែកវិទ្យាសាស្រ្តសេដ្ឋកិច្ច នៅក្នុងឆ្នាំ២០១៤ លោកបានចូលបម្រើការងារនៅសាលារៀន អន្តរទ្វីប អាមេរិកាំង នៅថ្ងៃទី១០ ខែកុម្ភៈ ឆ្នាំ២០១៥ ក្នុងតួនាទី អ្នកថតចម្លងឯកសារ បន្ទាប់ នៅថ្ងៃទី៤ ខែមករា ឆ្នាំ២០១៦ ដោយសារចង់ផ្លាស់ប្តូរបទពិសោធន៍ការងារទៅជាបុគ្គលិករដ្ឋបាលសាលារៀន អន្តរទ្វីប អាមេរិកាំង ពេញម៉ោង។

ដោយការកិច្ចខិតខំប្រឹងប្រែងក្នុងការបំពេញកិច្ចការងារតស៊ូ សហការល្អក្នុងក្រុមការងារ គណៈគ្រប់គ្រងបានពិនិត្យឃើញពីសមត្ថភាពការងារ និងឆន្ទៈខ្ពស់ក្នុងការជួយជ្រោមជ្រែងដល់វិស័យអប់រំរបស់លោក ចាប់ពីខែមិថុនា ឆ្នាំ២០១៩ លោកក៏ត្រូវបានដំឡើងតួនាទីជា ប្រធានផ្នែករដ្ឋបាលសាលារៀន អន្តរទ្វីប អាមេរិកាំង ដែលជួយសម្រួលដល់កិច្ចការគ្រប់គ្រងរដ្ឋបាលអប់រំ និងកិច្ចការងារទូទៅ ពាក់ព័ន្ធនឹងអ្នកអាណាព្យាបាលសិស្ស ព្រមទាំងជួយការងារចាងហ្វាងទទួលបន្ទុកតាំងពីកម្រិតក្រោមមត្តេយ្យសិក្សា ដល់ថ្នាក់ទី១២ ក្នុងកម្មវិធីចំណេះដឹងទូទៅភាសាខ្មែរ នៅសាសារៀន អន្តរទ្វីប អាមេរិកាំង (សាខាច្បារអំពៅ)។

លោកសង្ឃឹមយ៉ាងមុតមាំថា តាមរយៈតួនាទីនេះ លោកនឹងបន្តធ្វើឱ្យផ្នែករដ្ឋបាលសាលារៀន អន្តរទ្វីប អាមេរិកាំង នៃសាលារៀន អន្តរទ្វីប អាមេរិកាំង ឈានទៅរកភាពជោគជ័យ និងមានការអភិវឌ្ឍឱ្យកាន់តែប្រសើរឡើង។

ក្នុងនាមខ្ញុំជាបុគ្គលិក បម្រើការងារនៅសាលារៀន អន្តរទ្វីប អាមេរិកាំង សូមថ្លែងអំណរគុណយ៉ាងជ្រាលជ្រៅដល់មាតាបិតា ឬអ្នកអាណាព្យាបាលសិស្សទាំងអស់ដែលបានគាំទ្រ និងចូលរួមសហការ។ ខ្ញុំពេញចិត្ត ស្រលាញ់នូវអ្វីដែលខ្លួនឯងកំពុងធ្វើ និងខិតខំបំពេញតួនាទី ក្នុងកិច្ចការងារអស់ពីកំលាំងកាយចិត្ត ឱ្យកាន់តែប្រសើរ ដើម្បីឱ្យស្ថាប័ន MJQE កាន់តែរីកចម្រើនទៅមុខបន្ថែមទៀត។