នៅថ្ងៃអង្គារ ទី២០ ខែកុម្ភៈ ឆ្នាំ២០២៤ គណៈគ្រប់គ្រងសាលារៀន អន្តរទ្វីប អាមេរិកាំង សាខាច្បារអំពៅ បានរៀបចំកម្មវិធីចុះកម្មសិក្សាលើកទី២ សម្រាប់សិស្សានុសិស្សថ្នាក់ទី៣ ទៅកាន់សួនដាយណូស័រ ដែលទីតាំងស្ថិតនៅតាមបណ្តោយមហាវិថី អូស៊ីអាយស៊ី ខណ្ឌជ្រោយចង្វារ រាជធានីភ្នំពេញ។

កម្មវិធីចុះកម្មសិក្សានេះ គឺជាឱកាសមួយសម្រាប់សិស្សានុសិស្សសិក្សាសង្កេតអំពីមហាជន និងបរិស្ថាន​ជុំវិញ ហើយ​នេះ​ក៏ជាឱកាសដែលសិស្សានុសិស្សទទួលបាននូវចំណេះដឹងជាច្រើនបន្ថែមលើមេរៀនក្នុង​ថ្នាក់​ដូចជា៖

១. ស្វែងយល់ពីឧបករណ៍កម្សាន្តដ៏សម្បូរបែប

២. ទស្សនាកម្សាន្តពីរូបរាងដាយណូស័រជាច្រើនប្រភេទតាមសម័យកាល

៣. រឹតចំណងមិត្ដភាព និងសាមគ្គីភាពជាមួយមិត្ដរួមថ្នាក់

៤. ទទួលបាននូវចំណេះដឹងថ្មីៗ។

សាលារៀន អន្តរទ្វីប អាមេរិកាំង តែងតែយកចិត្តទុកដាក់លើសិស្សានុសិស្សមិនត្រឹមតែចំណេះដឹងលើគ្រប់មុខវិជ្ជាទេ តែថែមទាំងរបៀបនៃការរស់នៅក្នុងសង្គមគ្រួសារផងដែរ។