គណៈគ្រប់គ្រងសាលារៀន អន្តរទ្វីប អាមេរិកាំង សាខាច្បារអំពៅ បានដឹកនាំសិស្សានុសិស្សថ្នាក់មធ្យមសិក្សាទៅស្វែងយល់ និងអនុវត្តបន្ថែមស្ដីពី ការដាំដុះរុក្ខជាតិ ជាមួយនឹងលោកគ្រូឯកទេសក្នុងការបណ្ដុះរុក្ខជាតិ។ ក្នុងកម្មវិធីនេះមានគោលបំណងបណ្ដុះស្មារតីសិស្សានុសិស្សឱ្យស្រឡាញ់ និងចូលរួមដាំរុក្ខជាតិ និងដើមឈើបន្ថែម ដើម្បីចូលរួមជួយដល់បរិស្ថាននាពេលបច្ចុប្បន្ន។ លើសពីនេះទៅទៀត សិស្សានុសិស្សនឹងមានទំនាក់ទំនងល្អជាមួយគ្នា ចេះជួយគ្នា បង្ហាញពីភាពសាមគ្គីគ្នា ស្រឡាញ់គ្នា នឹងទទួលបានមេរៀនថ្មីៗក្នុងជីវិតពួកគាត់ជាបទពិសោធន៍ដែលពួកគាត់អាចយកទៅប្រើប្រាស់នៅពេលអនាគត។