អត្ថបទព័ត៌មានស្តីពីដំណើរកម្សាន្ត និងការរស់នៅ 
ក្រោមប្រធានបទ “ការធ្វើដំណើរ និងការអភិវឌ្ឍ” 
អត្ថបទដកស្រង់ដោយ : សាត សារឿន 
#MJQE #AmericanInterconSchool

ការធ្វើដំណើរ គឺជាបទពិសោធដ៏សំបូរបែប ដែលមានឥទ្ធិពលយ៉ាងខ្លាំងដល់ការអភិវឌ្ឍចំណេះដឹងផ្នែកបញ្ញាស្មារតីយ៉ាងទូលំទូលាយរបស់មនុស្សម្នាក់ ជាការពិតណាស់បានបើកឱកាសសម្រាប់ការលូតលាស់ផ្ទាល់ខ្លួន ដូចជាបានទទួលការយល់ដឹងដោយស្វ័យប្រវត្តិអំពីវប្បធម៌ និងការអភិវឌ្ឍជំនាញថ្មីៗជាទិដ្ឋភាពសំខាន់ៗមួយចំនួននៃការធ្វើដំណើរប៉ះពាល់ដល់ការស្វែងយល់ និងការច្នៃប្រឌិត។

ការធ្វើដំណើរគ្រប់រូបភាពបានអនុញ្ញាតឱ្យបុគ្គលទទួលបានទិដ្ឋភាពប្លែកៗ និងចូលរួមក្នុងវប្បធម៌ផ្សេងៗ ការបង្ហាញនេះជំរុញឱ្យមានការដឹងគុណកាន់តែច្រើនចំពោះភាពចម្រុះ និងបានជួយអភិវឌ្ឍ។ ការយល់ចិត្តចំពោះអ្នកដទៃជុំវិញបរិយាកាសនៃការធ្វើដំណើរ ការជួបមនុស្សថ្មីពេលធ្វើដំណើរអាចនាំឱ្យមានចំណងមិត្តភាព និងទំនាក់ទំនងដ៏ស្ថិតស្ថេរទូទាំងពិភពលោក។ ហើយបើកទូលាយដល់ការទំនាក់ទំនងលើការសិក្សាស្រាវជ្រាវ លើមុខរបរខ្នាតតូចប្រចាំថ្ងៃ និងលើអាជីវកម្មខ្នាតធំ ពិសេសការផ្សព្វផ្សាយពាណិជ្ជកម្មដោយបើកចំហរ តាមរយៈបទពិសោធប្រពៃណី មុខម្ហូបតាមតំបន់ និងបទដ្ឋានសង្គមផ្សេងៗ អ្នកដំណើរតែងតែត្រឡប់មកវិញជាមួយនឹងទស្សនៈពិភពលោកដ៏ទូលំទូលាយ និងភាពស្រស់ស្រាយដោយភាពជឿជាក់។ ការធ្វើដំណើរតំរូវឱ្យបុគ្គលម្នាក់ៗចាកចេញពីតំបន់ផាសុកភាពរបស់ពួកគេ  ឆ្ពោះទៅរកបរិយាកាសថ្មីៗ បង្កើនជំនាញដោះស្រាយបញ្ហា និងបង្កើនទំនុកចិត្តលើខ្លួនឯង រួមទាំងការជំនះឧបសគ្គក្នុងអំឡុងពេលធ្វើដំណើរដូចជាឧបសគ្គភាសាទំនាក់ទំនង ឬទំនៀមទម្លាប់ដែលមិនធ្លាប់ស្គាល់ពីពេលកន្លងមក អាចនាំទៅរកការអភិវឌ្ឍផ្ទាល់ខ្លួនដ៏សំខាន់ដោយឯកឯង។ 

ការធ្វើដំណើរអាចផ្តល់អត្ថប្រយោជន៍ដល់សុខភាពផ្លូវចិត្តដោយបានកាត់បន្ថយភាពតានតឹង ការលើកកម្ពស់ការសម្រាក និងការចូលរួមសម្របខ្លួនជាមួយធម្មជាតិ រុករកកន្លែងថ្មី។ ការសម្រាកពីទម្លាប់ប្រចាំថ្ងៃ និងបានរួមចំណែកធ្វើឱ្យអ្នកដំណើរទទួលបានសុខុមាលភាពផ្លូវចិត្តប្រសើរឡើង។ លើសពីនេះការធ្វើដំណើរសកម្មដូចជាការឡើងភ្នំ ឬដំណើរកម្សាន្តដើរជាដើម ជំរុញឱ្យមានកាយសម្បទារឹងមាំដល់សុខភាពរាងកាយ។ 
អ្នកធ្វើដំណើរជាច្រើនបានទទួលយកការអភិវឌ្ឍ ដែលមានសុខភាពល្អជាងមុន បន្ទាប់ពីបានឆ្លងកាត់វិធីផ្សេងៗនៃការរស់នៅក្រៅប្រទេសក្នុងរយៈពេលខ្លី ឬវែងណាមួយ ឯផលប៉ះពាល់ទៅនឹងរបបអាហារចម្រុះ ទម្លាប់នៃការធ្វើដំណើរធៀបដូចលំហាត់ប្រាណ និងការអនុវត្តសុខភាពអាចជំរុញឱ្យបុគ្គលម្នាក់ៗមានឱកាសធ្វើការផ្លាស់ប្តូរជាវិជ្ជមាននៅក្នុងជីវិតប្រចាំថ្ងៃរបស់ពួកគេ។

ការធ្វើដំណើរពិតជាបានជះឥទ្ធិពលយ៉ាងខ្លាំងទៅលើរបៀបនៃរស់នៅដោយការជំរុញឱ្យការយល់ដឹងអំពីវប្បធម៌ ការលូតលាស់ចំណេះដឹងផ្ទាល់ខ្លួនទទួលបានអត្ថប្រយោជន៍សុខភាព ទំនាក់ទំនងសង្គម និងការលើកទឹកចិត្តឱ្យមានការផ្លាស់ប្តូររបៀបរស់នៅបែបវិជ្ជមាន បន្តទៅរកការអភិវឌ្ឍសេដ្ឋកិច្ចគ្រួសារ សហគមន៍ និងសង្គមជាតិយ៉ាងពិតប្រាកដ៕