ការប្រកួតនិទានរឿងជាភាសាអង់គ្លេស លើកទី៦

កាលពីថ្ងៃទី២២ ខែមីនា ឆ្នាំ២០២៥ កន្លងទៅនេះ គណៈគ្រប់គ្រង នៃសាលារៀន អន្តរទ្វីប
អាមេរិកាំង បានរៀបចំការប្រកួតនិទានរឿងជាភាសាអង់គ្លេស លើកទី៦ វគ្គផ្តាច់ព្រ័ត្រ នៅសាលប្រជុំ សូវ ហុងគុយ ជាន់ទី១៧ ការិយាល័យកណ្តាល។ ការប្រកួតនេះធ្វើឡើងក្នុងគោលបំណងដើម្បីពង្រឹងសមត្ថភាពផ្នែកភាសាអង់គ្លេសដល់សិស្សានុសិស្សបន្ថែមទៀត បណ្តុះបណ្តាលស្មារតីសិស្សានុសិស្សឱ្យមានទម្លាប់ក្នុងការអានសៀវភៅ បង្កើនភាពក្លាហានដល់សិស្សានុសិស្សក្នុងការប្រកួតប្រជែង ទទួលបានបទពិសោធល្អៗ និងចំណេះដឹងថ្មីៗនៅក្នុងកម្មវិធីប្រកួតប្រជែង និងដើម្បីធ្វើតេស្តសមត្ថភាពសិស្សបន្ទាប់ពីបានសិក្សាភាសាអង់គ្លេសកន្លងមក។ សម្រាប់ការប្រកួតនៅវគ្គជម្រុះតាមសាខា បានប្រព្រឹត្តទៅកាលពីថ្ងៃទី១៥ ខែកុម្ភៈ ឆ្នាំ២០២៥ ដែលមានបេក្ខជនសរុបចំនួន ៣៣៤រូប ហើយឆ្លងកាត់រហូតដល់វគ្គផ្តាច់ព្រ័ត្រ យើងមានបេក្ខជនឆ្នើមៗសរុបចំនួន ២៧រូប។ ក្រោយពីការប្រកួតយ៉ាងស្វិតស្វាញ យើងបានរកឃើញម្ចាស់ជ័យលាភីចំនួន ៣រូបដូចខាងក្រោម៖ 
- ជ័យលាភីលេខ ១៖ ខា ឆ័ងវិន
- ជ័យលាភីលេខ ២៖ ឃួន សុវណ្ណឧសភា          
- ជ័យលាភីលេខ ៣៖ ទេព្វ រតនៈ        
ចំពោះសិស្សដែលជាប់ជ័យលាភីក្នុងការប្រកួតមានចំនួន៣រូប ចាប់ពីលេខ១ ដល់លេខ៣ ហើយរង្វាន់ដែលទទួលបានពីសាលាមាន ពាន (លេខ១) មេដាយ បណ្ណសរសើរ កាដូអនុស្សាវរីយ៍  និងអាហារូបករណ៍សិក្សា១០០% (លេខ១) ៧៥% (លេខ២)  ៥០% (លេខ៣)។

សូមចុចតំណលីងដើម្បីទស្សនារូបភាពបន្ថែម៖
https://www.facebook.com/ais.mjqeducation