កាលពីថ្ងៃទី៣ ខែមីនា ឆ្នាំ២០២៥ កន្លងទៅនេះ សិស្សានុសិស្សថ្នាក់ក្រោមមត្តេយ្យសិក្សា ដល់ថ្នាក់ទី៦ នៃសាលារៀន អន្តរទ្វីប អាមេរិកាំង សាខាច្បារអំពៅ បានប្រឡងឆមាសទី១  សម្រាប់ឆ្នាំសិក្សា២០២៤-២០២៥ ​ដោយភាពតឹងរ៉ឹងបំផុត។  ការប្រឡងឆមាសលើកទី១ នេះធ្វើតាមការណែនាំរបស់ក្រសួងអប់រំ យុវជន និងកីឡា ហើយការប្រឡងឆមាសនេះប្រព្រឹត្តិទៅដោយរលូន និងនៅក្នុងបន្ទប់នីមួយៗអនុរក្សមានការតឹងតែង ម៉ត់ចត់ចំពោះបេក្ខជន មិនអនុញ្ញាតឱ្យបេក្ខជនចម្លង ឬបើកឯកសារមើល និងមិនប្រើប្រាស់ឧបករណ៍អេឡិចត្រូនិចផ្សេងៗនោះទេ។ សិស្សានុសិស្សបានខិតខំយ៉ាងយកចិត្តទុកដាក់ប្រឡងលើវិញ្ញាសារបស់ខ្លួន ព្រមទាំងពោរ​ពេញ​ដោយ​ក្តី​សង្ឃឹម និង​​​ទន្ទឹងរង់ចាំ​មើលលទ្ធផលប្រឡងរបស់​ខ្លួន។ ការប្រឡងប្រព្រឹត្តទៅយ៉ាងល្អ សិស្សានុសិស្សគ្រប់កម្រិតថ្នាក់បានគោរពវិន័យ និង​បញ្ញាត្តិបានយ៉ាងល្អ​​​ក្នុងពេល​ប្រឡងឆមាសទី១នេះផងដែរ ។